Heimasíða virkjuð

Sælir iðnfræðingar.

Það hefur verið lítil virkni á heimasíðu IFÍ undanfarið ár. Það er ætlun nýrrar stjórnar að sinna síðunni betur nú í framtíðinni og reyna að birta hér fréttir og upplýsingar af og til, til fræðslu fyrir félagsmenn.

Ný afstaðin aðalfundur félagsins var eins og oft áður, ekki nógu vel sóttur af félagsmönnum. Það virðist sem iðnfræðingar sjái ekki tilgang í því að taka þátt í starfssemi félagsins að neinu leyti.

Það er þó deginum ljósara að ef við virðum námið okkar og starfstitil einhvers, þá verðum við að hafa félag sem virkar og við verðum að sinna því. Forsenda þess að Iðnfræðingur sé og verði lögverndað starfsheiti er að það sé til staðar félag sem sé ráðuneytinu til umsagnar um hverjir megi og hverjir ekki, bera titilinn Iðnfræðingur.

Ef ráðuneytið fær ekki þessa umsögn félagsins þá munu þeir ekki lögvernda starfsheitið og þá má í raun hver sem er kalla sig Iðnfræðing og ekkert gildi verður í menntun okkar eftir það.

Ég hvet alla Iðnfræðinga til að taka þetta til skoðunar og reyna að mynda samstöðu um félagið. Sýna áhuga og mæta allavegana á aðalfundi svo fleiri raddir heyrist í framtíðinni.

kv. Ágúst Hilmarsson, formaður.

Flokkur: Fréttir eftir Agust

Ný stjórn eftir aðalfund 2019

Aðalfundur Iðnfræðingafélagsins 2019 fór fram þann 2.maí síðastliðinn.

Að þessu sinni var hann haldinn í húsnæði RSÍ að Stórhöfða 31. Mæting félagsmanna var ekki góð frekar en oft áður, en þó náðist að full manna stjórn fyrir komandi misseri.

Það væri þó gaman að fara að sjá meiri áhuga félagsmanna á rekstri félagsins. Fundargerð og stkýrsla stjórnar munu verða settar inn hér á vefin fljótlega.

Ásgeir Örn Rúnarsson, sem setið hefur í stjórn félagsins síðustu fjögur árin gaf ekki kost á sér til frekari setu og þökkum við honum hans störf í þágu félagsins.

Nýr í stjórn var kosin Óskar Ólafsson, rafiðnfræðingur, sem starfar sem viðskiptastjóri hjá Securitas.

Ný stjórn er þannig skipuð:

Ágúst Hilmarsson, Formaður
Sigurður Örn Árnason, Gjaldkeri
Þorsteinn Gíslason, Ritari
Helgi Pálsson, Meðstjórnandi
Baldvin Óli Gunnarsson, Meðstjórnandi
Óskar Ólafsson, Varamaður
Jón Bjarni Guðmundsson, Varamaður

Flokkur: Fréttir eftir Agust

Ný heimasíða

Núverandi stjórn Iðnfræðingafélagsins ákvað að láta uppfæra heimasíðu félagsins. Núverandi heimasíða félagsins er orðin gömul og mjög þung í vinnslu og snúið fyrir aðra en tölvumenn að setja inn fréttir og tilkynningar.

Til að auðvelda stjórninni að koma mikilvægum upplýsingum á framfæri við félagsmenn var ákveðið að láta hanna nýja síðu og er hún á góðri leið með að verða fullmótuð. Nýja síðan verður opin öllum en einnig með lokuðu svæði fyrir félagsmenn.

Ef félagsmenn óska eftir að komast á innri vefinn, þarf að senda póst um þá ósk á ifi@ifi.is. Þar þarf að koma fram nafn, kennitala og netfang. Netfangið verður síðan nýtt sem notendanafn og lykilorð sent til baka í staðfestingarpósti.

Það er von okkar að þessi nýja síða verði til þess að mun meira líf verði á heimasíðunni. Stjórnarmenn verða allir með netföng sín tengd síðunni, það er að segja gardar@ifi.is og svo framvegis, sem ætti að auðvelda félagsmönnum aðgang að stjórnarmönnum. Það er því sönn ánægja að geta opnað nýju heimasíðuna núna í tilefni aðalfundar félagsins 2012. Síðan verður svo slípuð til á næstunni. Best er að sjá hana í gangi og sníða hana betur til.

Stjórnin

Flokkur: Fréttir eftir Vefstjóri